Regional Institute of Medical Sciences (RIMS), Imphal, Manipur chuan academic session 2017 atan Manipur University hnuaiah Clinical Psychology M.Phil Course zir duhte tan competitive entrance examination a buatsaih dawn a. Seat pahnih (2) awmin, course hi kum 2 chhung tur awh a ni a. Entrance Exam hi June ni 28, 2017 a neih tur niin, course hi July ni 1, 2017 atanga tan tur a ni.

India hmarchhak state (Assam tih loh) a cheng, recognized University atanga 55% aia mark tlem lo hmu a M.A/ M.Sc Psychology degree nei ten M.Phil zir tur hian an dil thei dawn a. SC/ST/OBC category te tan 50% mark tal an hmu tur a ni. Correspondence, Part-time leh distance education kaltlanga M.A/ M.Sc degree neite tan dil ve theih a ni lo ang.

Exam form dil duhte chuan Office of the Director, RIMS, Imphal, Manipur ah Rs. 2000 (cash of demand draft) chawiin a dil theih a. Application form hi a tlai berah June ni 22, 2017 ah office hi a thleng tur a ni. www.rims.edu.in atangin application form hi a download theih bawk a, heihi Demand Draft nen a submit mai theih bawk ang.