Kumin March thlaa Lawngtlai District-a Lai Autonomous District Council (LADC) huam chhunga village council 95 inthlanpui leh Chakma Autonomous District Council (CADC) huam chhunga village council 6 by-election buatsaih tura Returning Officer (RO) turte chu vawiin khan Lawngtlai DC Conference Hall-ah koh khawm niin, thil pawimawh hrang hrang zirtir leh hrilhfiah an ni.

He hun hi Lawngtlai Election Officer Pu Lalremruata Sailo MCS chuan kaihruaiin, kal khawmte lawmna thu a sawi a. Sub-Deputy Commissioner Pu Lalsanglura MCS chuan RO-te hriat tur pawimawh hrang hrang zirtirin training a pe a ni.

Vawiin training-ah hian RO tura ruatte an kal tha hle.