Vawiin khan DAO Complex, Mamit-ah Paramparagat Krishi Vikash Yojana (PKVY) hnuaiah District Agriculture Office, Mamit District buatsaihin Organic Fair neih a ni a. Pu C. Lalengzauva, DAO Mamit chuan he hun hi a hawng.

He Organic Fair hawnna inkhawm tawi DAO Complex-a neihah Pu C. Lalengzauva chuan PKVY awmzia sawifiahin PKVY chu traditional farming tih a ni a. Chemical ferlizer leh rannung leh hnim thahna hlo hmang lova buh leh bal tharchhuah a ni. Mizoram pawhin Project 50 kan nei a. Mamit District pawhin Project 3-ah hma kan la ve a ni a ti.

Organic thlai thar chhuak tur chuan Buh leh thlai chinna hmun lei-te chu chemical a tel leh tel loh endik hmasak a ngaih thu sawiin chutiang bawkin buh leh thlai thar chhuahte test leh vek thin a ni a ti bawk.

Mamit District chhunga lo neitute pawhin Chemical tello, Organic thlai thar chhuak tura hmala turin a chah bawk.