3872/2024-2025

Lunglei, 2025 Pawlkut thla ni 18: State Election Commission, Mizoramin Local Council leh Village Council Inthlanpui, 2025 a puan tak avangin Lunglei District huam chhungah Model Code of Conduct (MCC) chu hman ṭan nghal a ni a. Lunglei District Election Officer Pi Navneet Mann chuan January ni 17, 2025 khan inthlanna thianghlim leh felfai neih a nih theih nan lirthei hman dan chungchanga political party leh candidate zawng zawng zawm turin a hnuaia thupek hi a chhuah.

1. Vote thlakna hmuna vote thlaktu tur hruai turin candidate-in emaw, candidate agent-in emaw, political party emaw, candidate hriatpui tu pawhin lirthei a ruahman emaw, a hruai tur a ni lo.

2. Local Council leh Village Council hmun tinah Candidate-in Returning Officer remtihpuina la hmasain lirthei pakhat a hmang thiang a, phalna hi Returning Officer-in a pe ang.

He thupek hi State Election Commission-in thupek a chhuah (vide no. B.14015/1/2025-SEC/LC/28 dt. 16.01.2025 & no. B.12011/2/2024-SEC/VC/27 dt. 16.01.2025) behchhana chhuah a ni.