Vawiin khanChamphaiDCleh NLUP Implementing Board buatsaihin Leadership Training on NLUP neih a ni a. He training hi Pu Lalthangpuia Sailo, Champhai DC in kaihruaiin Champhai District chhung atanga khawtlang hruaitute lokal lawmna thu sawiin, NLUP Mizoram Flagship Programme hi khawtlang hruaituten an ngaih pawimawh angaih thu a sawi.

Pu R. Ramhmangaiha, President, Hnamchhantu Pawl chuankanram hi Pathian min pek, Mizotenkanneih chhun a ni.Kanram,kanneih chhun hi I zah ang u tiin tunah hian sorkar-in miretheite thleng phak project ropui tak a buatsaih hi a ropui a, rambuai atang khan khua a var tak tak thei lo a, tunah chu Zoram khua a var tan mek a, chu chu NLUP hi a ni a ti a. Assembly House ah kan ram hruaitu lu ten miretheite eizawnna, te lutuk pawh awm lova, a hlawhtlin theihna tura thahnemngai taka an han sawi te hi a ropui a, NLUP programme hi a lang tan tawh a ni, a ti.

Pu H. Taithuama, Champhai District AMFU President pawhin thu sawiin AMFU chuan NLUP hi kuthnathawkte thleng thei project tha tak anih avangin a hlawhtlinnaturintheih tawp an chhuah thu a sawi.

NLUP chungchang hrilhfiahna neiin Dr. Robert Rualthankhuma, Project Co-ordinator, NLUP Implementing Board chuan khawtlang hruaitu kalkhawmte chu an harsatna te inthlahrung lova Line department officials, DC leh NLUP Implementing Board ah te thlen thin turin a ngen a, khaw hrang hrangte harsatna leh an hriatthiam loh zawhna te a chhang bawk.

Vawiin training ah hian Champhai District khaw hrang hranga Village Level Monitoring Committee hruaitute, V/C leh Line Department te an kal tha hle a ni.