Vawiin khan Social Welfare Minister Pu P.C. Lalthanliana chuan nihnih awh National Commission for Protection of Child Rights buatsaih Workshop on Substance Abuse, State Guest House a kharna neih chu khuallian niin a hmanpui. Kharna inkhawm hi Pu V.K. Tikoo, Member, NCPCR in a kaihruai a ni.
Minister chuan he workshop a tel zawng zawngte chu lawmthu hrilhin an thil zir leh sawiho chu tangkai taka hman anih ngei a beisei thu a sawi a. Ruihhlo do kawnga Mizoram sorkar leh tlawmngai pawl ten hma nasa taka an lak thu sawiin YMA te pawhin Anti Drug Squad an din thu te Pu Lalthanliana chuan a sawi a. Naupang dikna leh chanvo humhim nan Mizoramah State Commission for Protection of Child Rights din tura hmalak mek anih thu Minister chuan a sawi bawk.
He workshop ah hian Mizoram University, sorkar laipui leh Mizoram sorkar officer leh tlawmngai pawl hrang hrang aiawhte an tel tha hle.
