Nimin chawhnu dar 2 khan Legal Metrology Enforcement Duty chuan Edenthar Road, Fisheries Cold Storage bulah m/s Suakchhunga Gas Agency hnena gas dah MZ-01 G/4488 atangin gas phurhchhuaha hralh tum an man a. Gas hi m/s Suakchhunga gas Agency-ah Challan an dah fel tawh hnu-ah Edenthar road ah hian dingin an semna pangngaia sem turin truck te zawka an lakchhuah an nghak mek a.

Hetih lai hian Mutia pakhat Manesh Kumar ( kum 24), Bihar lam mi, Gas Agency a thawk hian black- a hralh tumin bur sawm (10) a lo la chhuak a, taxi ah a lo load mek a. Hei hi Legal Metrology Enforcement duty te chuan nangchingin an man sak ta ni. Manesh Kumar hi man nghal niin Truck driver nen hian Bawngkawn police station-ah dah an ni a. Gas bur te hi Evidence turin Joint Controller office, Venghlui-ah lak nghal a ni bawk.

Attachment

  • Loading attachment...