Legal Metrology chuan complaint an dawn bawhzuiin December ni 3, 2019 khan  Dawrpui South, Sairang Road a iron rod zuar Pu J Thankunga (MANA INTERNATIONAL) dawr  an endik a. Iron rod an hralh 10 mm TMT Bar  2005 kg (20.05 quintals) anga an hralh chu 1795 kg ( 17.95 quintals ) chauh a ni tih an hmu chhuak a. quintal 2 leh kg 5 in a tling lo a ni.12 mm iron rod , 424 kgs anga an hralh pawh 406 kgs chauh a ni tih an hmu chhuak bawk.

Legal Metrology Enforcement te chuan bungrua hi manin thubuai an ziak lut nghal a, case hi ngaihtuah chhuizawm a ni anga, dan anga hremna lek tur a ni ang.

Legal Metrology chuan tunlaiah thil leitu, insatute chu an iron rod lei ah abikin fimkhur turin an chah a. Mahni vai chhawrte emaw, contract-a thawh tirte pawh inbumna awm thei lakah fimkhur turin an chah a. Vai mistiri tam tak hian an hnathawhna te ei tum ranin an thawk fo a ni tih hriat a nih avangin a neitute fimkhur nachang hre turin an chah a ni. Standard iron rod hi buk kher lovin a seilam leh a len lam a?angin a buk rih lam a chhut thei a, hrechiang duh leh harsatna nei chuan Legal Metrology office, Hunthar Veng, Company pengah zawhna leh complaint an neih angte thlen theih reng a ni.