No.3299/2021-2022

Aizawl the 7th , December' 2021: Vawiin chawhma khan Lunglei High Powered Committee Office leh District Horticulture Office, Lunglei te tangkawpin Aieng Herna khawl (Leitlang Aieng) HPC Office Ground Floor ah Lunglei High Powered Committee Vice Chairman, Pu Lawmawma Tochhawng chuan Lunglei District chhung hmun thum a bun tur Leitlang Aieng, HPC sum cheng nuai 15 senna chu a tlangzarh.

Leitlang Aieng tlangzarhna hun hi Pu C.Vanlalmuana, Chief Planning Officer, HPC Lunglei chuan a kaihruai a, khuallian Pu Lawmawma Tochhawng chuan thusawiin Lunglei District chhung a mipui te an intodelh na tura Aieng Herna khawl te chu lei a nih thu sawiin Aieng chin kawng ah loneitu ten theihtawp chhuah turin a fuih a, Aieng chi pawh HPC atanga ngaihtuah zuitur a nih thu sawiin Lunglei leh a chheh vel khua te Aienga an intodelh hnuah zau zawkin chhim mipui tan hmalak zui tum a nih thu a sawi.

HPC Vice Chairman chuan Aieng chauh nilo thlai chi hrang hrang ah Lunglei District a intodelh theihna turin Agriculture leh Horticulture Department te nen tang hovin hmalak mek a nih thu a sawi a, Lunglei khawthlang lam ram tha te chu bawh a, a hun lo lai (off season) ah pawh thlai thar thei turin tui lakna tur hnathawh tan mek anih thu a sawi bawk a ni. Beiseina sang tak nen mahni intodelha taimak na nena hlawhtlin ngei tum turin a chah a ni.

Pu Lalvansanga, DHO Lunglei pawh in hmalakna chungchang sawiin heng Aieng Herna Khawl pathumte hi Lunglei khawpui chhung ah hmun hnih Mualchin Food Processing, Rahsi Veng, BB. Aieng, Ramthar leh Lungsen ah Lungsen Aieng Farming Co-Operative Society a bun an nih tur thu a sawi a, heng kut hnathawhtu te hi dan angin FSSAI registration te tih tir ani a, Aieng chin leh a her kawng ah mi thiam ten kuthnathawk tute an enkawl zel tur thu a sawi bawk a ni.

Vawiin a tlangzarh tak Leitlang Aieng hian Aieng Herna Khawl, a zailepna khawl, a fun charna, Aieng hring phorona leh tul dang engemawzat an dawng tel a ni.

Attachment

  • Loading attachment...