Nimin 7th October, 2015 khan Lengpui Community Hall ah Information & Public Relations Department buatsaihin RTI Week hman a ni a.

He hunah hian Information & Public Relations Department Director Pu Jim K Chozah chu khuallian a ni a. Pu Jim K Chozah chuan RTI thiltum sawrkar langtlang leh rorelna tha siam turin a hmangtu mipui lamin kan hman tangkai thiam a ngai a ni, a ti a. Pu Jim K.Chozah hian RTI chungchang chipchiar takin zirtirna a pe nghal bawk.

He hunah hian Pi Lallianpuii Dy. Director, I & PR Department chuan key note address a pe a. Pu R.Vanlalsawma SDC Aizawl in inkhawm hi a kaihruai a. RTI chungchang leh a kaihhnawih thil tamtak zawhna zawh a ni a, hengte hi hrilhfiaha chhan an ni.