Vawiin khan BDO Office, Tlangnuam RD Block leh VC/VEC Lengpui buatsaihin Lengpui Community Hall-ah mipuite hnena Rural Development Scheme hrang hrang inzirtirchianna " Gram Sabha cum Awareness Campaign on various Rural Development Scheme" neih a ni a, Pu Vanlalchhuanawma Chawngthu, Tlangnuam BDO leh a thawhpui ten Power Point presentation pein mipuite hi zirtirna uluk taka pe in, MGNREGS atanga mipui inhlawhna leh Material Component hmang a sak bawlhlawh paihna siam mek "Advanced Solid Waste Management Complex" hman dan tur te pawh an inzirtir nghal bawk.

He Vantlang Inkhawm 'Gram Sabha" an hian Resolution an siam nghal a, he resolution hmanga Lengpui khua a hmalakna tur hi India leh Mizoramah mipuite hmalakna hmasa ber tur niin an Resolution ah chuan Lengpui khaw mipuiten an thlah lokal leh zel turte tan a chenna tlak khawvel an siam theih nan leh khawpui thianghlim leh fai an lo nih theih nan bawlhhlawh paih chungchangah bawlhhlawh tawih thei leh theilo thliar hrang zel tur a hma la tan turin leh Polythene in a tihbuai loh khua an nih theih na tura polythene hman lohna leh awm lohna khua ni tura hma la tan turin thutlukna an siam a ni, he vantlang inkhawmah hian mipui 500 chuang zet an kal a ni.