607/2023-2024

Aizawl, 27th May, 2023 : Vawiin khan Agriculture minister Pu C. Lalrinsanga chuan Aizawl Chanmari-a Lengteng bial chhunga mi Pawlrang khua in dawnfawh an thar, Mawmrang Farmer Producer Company (FPC) ten an hralhsakna hmun a tlawh a,  Minister hi Lengteng bialtu MLA, Human Resources Development Board vice-chairman ni bawk Dr. L. Thangmawia'n tawiawmin, Minister leh MLA hi Pi Brenda Lalremsiami, CEO, Mawmrang FPC leh Pu Sanjay Kumar, Sr. Vice President, Clover Organic Pvt. Ltd. ten an lo dawngsawng a ni.

Mawmrang FPC hotute chuan Lengteng bial kut hnathawktuten an dawnfawh thar chhuah hralh kawngah harsatna an tawk tih hriaiin a hralhna lamah an puih thin thu leh a tui (juice) te siamchhuah saka an tihral pui mek thu an lo hrilh a ni.

Minister Pu C. Lalrinsanga chuan Lengteng bialin hlawhtling taka dawnfawh an tharchhuak chu lawmawm a tih thu sawiin Zoram mipuite chu mahni ram dawnfawh thar ngei mai chu kuthnathawktute hamthat nan tlawmngaia leisak turin a ngen bawk a ni.

Dr. Thangmawia chuan a bialah kuthnathawktu taima tak tak an tam thu leh dawnfawh hi kumin hian a bialchhung- Ngopa, Lamzawl, Chiahpui leh Pawlrang khua ten hlawhtling taka tam tham tak an thar thu sawiin, a hralhna lama tlawmngaih chhuahpuitu Mawmrang FPC leh Clover Organic Pvt. Ltd. te chungah a bial mipuite aiawhin lawmthu a hrilh a, dawnfawh chingtute tanpui nan a bial thar dawnfawh chu mitin ten tlawmngai a lo leisak chhunzawm zel turin a ngen bawk a ni.

Attachment

  • Loading attachment...