606/2023-2024

Siaha; the 27th May ,2023 (Friday): Nimin khan DoNER Ministry a official 2 Pu SD Meena,Deputy Secretary leh Pu Sachin, Assistant Secton Officer ten Siaha District chhunga thingtlang khaw pakhat, Tipa RD block hnuaia awm Lodawh khua tlawhin, Sorkar Department hrang hrang ten  hmasawnna kawnga  an hmalak tawhna  leh hmachhawp hrang hrang te a hmunah kal chilhin an enfiah  (ground assessment an nei) a ni.

DoNER official te hi Lodaw khaw mipui te chuan  hlim leh lawm taka lo  dawngsawngin, khawtlang hruaitute nen inkawmhona hun hlimawm tak an neih nghal a. Hmasawnna kawnga hmalak ho dan tur te sawiho a ni hnuah, khawtlang  mamawh leh ṭul hrang hrangte ziakin  official te hnenah an lo thlen nghal bawk a ni.

DoNER ministry official te hi Pi Margaret J.Vanremmawii, SDO(C) Tipa Sub.Division leh Pu J.Lalhmahruaia SDC Siaha te bakah Department hrang hrang aiawh ten an ṭawiawm a ni.