1194/2022-2023
Aizawl, 8th July, 2022 : Vawiin khan Human Resource Development Board Vice-Chairman Pu L.Thangmawia, MLA chuan a bial chhung zirna in hrang hrang atanga kumin 2022-a HSSLC Distinction-a pass zirlai parukte hnenah laptop a hlan.

Laptop hlanna hun a pisa a buatsaihah Pu Thangmawia chuan a bial chhungah kumin 2022 HSSLC result chu nikum 2021 aia a chhiat zawk thu sawiin, zirna lama zirlai mek ten tan nasa zawka an lak theih nana cho phurtu a nih beisei a he thil hi ti a nih thu a sawi a. Zirlai Laptop dawng pha tura taima taka zirte chu a lawmpui thu leh an zir zelnaah pawh thahnemngai leh taima taka zir chhunzawm turin a chah nghal bawk.

Pu Thangmawia chuan kumin 2022-a HSLC Distinction-a pass te smartphone pek an nih tawh thu sawiin tunlai khawvelah smartphone leh laptop te chu zirna atana tangkai taka hman theih an nih thu a sawi a. Kum thar 2023-a a bialchhung zirna inte atanga HSLC leh HSSLC Distinction-a pass te hnenah pawh pek vek an nih leh dawn thu sawiin, he inelna thianghlim, anmahni tana tha tur, an kalna sikul leh khawtlang an chawimawi theihna ni bawkah hian a bialchhunga zirlai tin te tel vek turin a sawm a ni.

Laptop dawngte hnenah hian zirna a pawimawh thu leh hlawhtling taka an zir chuan an hmalam hunah an tan hun tha zawk a inhawn theihna atana pawimawh tak a nih thu te, retheihna te, hatsatna te leh chhan tha tak tak dang chhuanlam tur awm thin mahse heng zawng zawng hi retheih huama Pathian rinchhan chunga chhel taka an tawrh chuan nakin a an zirchhuah hnua an zirna chanchin ti ngaihnawmtu zawk tur a nih thu a hrilh a. Hlawhtling taka zirchhuak ngei turin duhsakna a hlan bawk.

Laptop dawngte hi Lalrodii, Ngopa HSS; Elizabeth Zoramsangi, Hliappui HSS; JH Malsawmzuali, Kawlkulh HSS; Lalbiaknungi, Kawlkulh HSS; Lalhmangaihsangi, Kawlkulh HSS; leh Liandingpuii Sailo, Kawlkulh HSS te an ni.