1631/2026-2028

Lawngtlai, the 3rd August, 2026 : Vawiin chawhma dar 11:00 AM khan Deputy Commissioner, Lawngtlai Conference Hall- ah Bawrhsap Pu Donny Lalruatsanga kaihhruaiin Liquefied Petroleun Gas (LPG) DAC system Management for Lawngtlai District chungchang sawihona neih a ni.

Pu Donny Lalruatsanga chuan kalkhawmte hnenah lawmthu a sawi a. NGO hrang hrangte leh thingtlang lam VC atanga DAC - a harsatna an tawh thin avanga ngenna dawn a nih anga thutkhawm a nih thu a sawi a. Mipui nawlpui nghawng thei thil a nih angin, LPG Gas sem dan kalpui mekah DCSO in tul leh pawimawhah order te an ti chhuak thin a ni, a ti. Bawrhsap chuan tun dinhmunah DAC chu mipuiin an harsatpui viau niin a lang a, Agency - te chu mipui vanga awm an nihna hriaa, mipui tan a awlsam zawk an tih theih dan tur ngaihtuahpui turin a chah nghal a ni.

Thutkhawmah hian Gas Agency - ten harsatna an neih te leh an dinhmun hrang hrangte tarlanna an nei a. 100℅ DAC generate - a ngaih thu leh Lawngtlai Town chhungah Bazar vengah 'Home Delivery' tih a nih thu ngaihthlak a ni. Thutkhawm chuan dan kalha 'black' a gas lei thin chungchangah mumal taka khapna thuchhuah siam ni se, DCSO lamin e KYC - ti tura mipui hriattirna lo tichhuak se an ti a. Gas Agency lamin DAC kalphung leh kalpui dan chiang zawkin mipuite hriattir leh ni se an ti bawk a ni.

Vawiin thutkhawmah hian Lawngtlai District chhunga Gas Agency - te leh sawmbikte  an tel  tha hle a,  Bawrhsap chuan lawmthu sawiin thutkhawm a khar.