1630/2026-2028

Siaha the 3rd August 2026: District Treasury Officer Pu C John Lalmuansanga chuan Family Pension la mekte zingah document diklo hmanga la te tan a hnuai tarlan ang hian hriattirna a chhuah. 

HRIATTIRNA

Mizoram sawrkar thuchhuah angin, Family Pension la mekte zingah document diklo hmanga la an awm chuan, anmahni duhthu ngeia tihtawpna hun Ni 01.07.2026 - 30.09.2026 thleng hawn a ni a.

Titawp duh tan Family Pansion kan lakna District Treasury Office, Siaha-ah in report tur leh Pension Payment Order(PPO) te hun tiam chhunga pekir tura hriattir kan ni.

Hun tiam a ral hnu hian Task Force hmanga endik hna thawh a ni dawn a, diklo taka la an awm a, hmuhchhuah an nih chuan thubuai siamsak theih an ni ang. Document diklo pechhuaktu pawh dan ang taka an chunga hmalak tur a ni.

CCS(Pension) Rules, 1972 hnuaia Family Pension la theilo te chu :

1. Family Pension la mekin nupui/pasal a neih lehin Family Pension a la thei tawh lo.

2. Sawrkar hnathawk fahrin ni lo emaw, dan ang taka falak ni lo, Birth Certificate lem siama Family Pension la te.

3. Sawrkar hnathawk ni reng si mahni nu/pa/fa te Family Pension la.

4. Pensioner ni reng si, mahni nu/pa/fa te Family Pension la.

5. Pasal nei lai pasal neilo anga inziak, nu emaw pasal sun tak te Family Pension la.

6. Family Pension lak duh avanga mahni nu leh pa te thih ni emaw, pasal te thih ni emaw, inthen ni tihdanglama Family Pension la te.

7. Thlakhata pawisa lakluh zawng zawng belhkhawm a, monthly minimum pension @8700 + DR income nei pha, tun dinhmunah chuan Rs. 12,702/- la tling te.