Mizoram hi India rama lirnghing thlen theihna hmun hlauhawm ber (Zone V) a awm niin kan insak dan in Bureau of Indian Standards (BIS) tehna a phalo nasa hle a. Hemi chungchangah hian National Disaster Management Authority chuan Disaster Management Department, Mizoram Government nena tangkawpin Administrative Training Institute (ATI)-ah March 12 atanga 16 chhung khan sorkar engineer te tan “Rapid visual screening methods” training an buatsaih a. Aizawl Municipality, PWD, Sarba Siksha Abhiyan, PHE Department atangin Civil Engineer sawmthum an tel a ni.

NCPDP, Ahmedabad atanga mithiam lokal Rajendra Desai, Rupal Desai leh Professor (Rtd.) Dr Pratima Bose te chuan SAARC Disaster Management Centre, New Delhi buatsaih Annexure-A of BIS code IS: 13935. Rapid Visual Screening of Masonry Buildings and Rapid Structural leh Non-Structural Assessment of Schools and Hospital Buildings in SAARC Countries te behchhanin Engineer kalkhawmte hi an zirtir a. Heng an zirtirna dawn te hi a tak taka hmanchhinna (practical exercise) nei nghalin Mizoram Fire Brigade Building, Civil Hospital, Aizawl YMCA Club leh Mizoram Khadi and Village Industries Board Office Building te chu lirnghing lo thlen thulah eng chen chiaha him nge an nih tih enfiahna Rapid Visual Screening an ti nghal a. Training chhuak te hian eng building pawh lirnghing laka a him leh him loh an teh zung zung thei tawh dawn a ni.

March ni 16 khan Disaster Management and Rehabilitation Department Principal Secretary Pu PC Lallawmsanga chuan Training hi a khar a ni.