Tun hnaia Commercial Vehicle Joint Action Committee-in nawrh a huaihawt chungchangah thu hriat chianloh awm nuala a lan avangin Transport Department chuan a hnuaia mi ang hian sawifiahna a siam.

Lifetime Tax hi Commercial Vehicle-Pick-up Truck, Medium goods Vehicle leh heavy goods Vehicle leh Bus-te chuan Lifetime Tax pek a ngai ve lo.

35th Transport Development Council meeting, Government of India in 2013-a a lo rel tawh angin Mizoram Sawrkar pawhin he rate thar hmang tur hian Mizoram Motor Vehicles (Taxation) Act, 1996 chu siam thain, ‘The Mizoram Motor Vehicles Taxation (Amendment), Act, 2015 chu 7th Legislative Assembly 6th Session-ah khan a pass a. A tul angin Notification chhuah a ni a, Gazette ah pawh notify a ni ( vide No.H 12018/71/96-LJD dated 5.8.2015 leh No. D.26011/2/10-TRP/Pt dated 12.1.2016). Chutichuan Mizoram Sorkar Transport Department chuan Lifetime Tax (15 yrs) atan Auto Rickshaw, Taxi, Maxi-Cab leh Rent a Cab Scheme, 1989 hnuaia motor te atangin Lifetime Tax 6% a lo la ta a ni. (6 % hi Central sawrkarin chhiah lak tura a tih a hniam thei ang ber a ni) .

Motor hlui chu a motor kum paihin Central Sorkarin depreciation rate a siam angin lak tur a ni. For example: Taxi kum 10 tling tawh chu Lifetime Tax kum 5 lak tur a ni, chu chu Central Sorkarin depreciation rate a siam angin pek tur a ni ang.

Taxi zawng zawng hi local taxi an nih vek avangin All Mizoram Taxi permit awm thin chu tih tawp a ni. A chhan chu khaw tin deuh thaw ah taxi a awm tak avang leh an service-ah an intihbuai thin avangin tihtawp a ni. Tul bik thilah chuan STA in Special Road Permit a pe ang a, emergency/chhiat tawh/thih thu ah te chuan hriat thiamna neih a ni bawk a ni.

All Mizoram Maxi-Cab Permit pawh tihtawp a ni a. A chhan chu All Mizoram Maxi Cab Permit neite an duh duhna hmunah an tlan theih bik avangin midang service an tibuai thei a, chuvangin Maxi-Cab service zawng zawng-te route bik thlang tura tih an ni e.