Sikul tan hun zing dar 9:00 atanga tan tura Mizoram Sawrkarin thupek thar a siam avangin SP Traffic Aizawl chuan Sikul naupang hruaite leh mipui kawngpui hmangtute remchan zawk nan heng a hnuaia kawng tarlanah te hian lirthei tlan dan ruahmanna thar ka siam a ni (Vide No.J.11011/1/2019-POL, dt. 14.2.2019 angin,).
Hei hian Order lo chhuah tawh a luah lan ang a, he thupek hi April thla School luh ni atanga hman tan a, School kai ni apianga hman tur a ni ang.
1. Kulikawn atanga Tlangnuam pana tlan chhoh theih loh hun:- 8:00 AM - 9: 00 AM & 12:30 PM - 1: 30 PM (Hemi hun chhung hian Naupang hruai tur leh Tlangnuam lam pan tur chuan Kulikawn atangin Pika Road-ah tlan thla in Hridaikawnah chhuak pheiin Tlangnuam atangin Kulikawn lamah an tlan thei ang)
2. Zarkawt Presbyterian Biak In kawt atanga Zarkawt Traffic Point (Chhuk zawnga tlan theih loh hun):-. 8:00 AM - 9:00 AM.
3. Zarkawt Traffic Point atanga Zarkawt Presbyterian Biak In kawt via Babutlang road (Chho zawnga tlan theih loh hun):-. 8:00 AM - 9:00 AM.
He thupek hian chhiatrupna thil kangmei leh Emergency kaihhnawiha duty te chet velna kawng erawh a huam lo ang. Tul leh remchang zawk a nih chuan a hmuna duty Traffic Police ten ruahmanna an siam thei ang.
