Pu C.Lalthanmawia, Superintendent of Police, Traffic, Aizawl City chuan Mizoram State Sorkar Notification No.B.12021/10/04-TRP Dt.22.8.2008 leh Section 115 of Motor Vehicles Act, 1988 in thuneihna a pek angin mipui vantlang leh lirthei hmangtute him nan leh hnathawktu ten tha taka hna an thawh theih nan lirthei tlan dan tur thupek a chhuah.
SIPMIU (NERCCDIP) ten heng a hnuaia hun leh hmun tarlan ah te hian kawngpui siamthat hna an thawh dawn avangin lirthei tlan hun chhung hetiang hian siam rem a ni:
Ni 3.11.2017 (Zirtawp) zan dar 8:00PM atangin Upper Khatla BSNL Office atanga Sikulpuikawn inkar kawngpui siamthat hna an thawh dawn avangin helai kawngpuiah hian hnathawh hun chhungin lirthei eng chi mah tlan phal a nilo.
Ni 4.11.2017 (Inrinni) zan dar 8:00PM hian Khatlakawn-ah kawngpui siamthat hna hi thawh a nih dawn bawk avangin lirthei hmangtute leh khalhtute fimkhur tur leh hnathawkte tibuailo thei ang bera lirthei hmang turin hriattir kan ni a. Hemi ni hnih chhunga hna hi zawh hman a nih loh chuan 5.11.2017 (Pathianni) nileng in chhunzawm leh a ni ang.
Thupek hian chhiatrupna thil kangmei leh emergency kaihnawiha duty leh Dan leh Thupek pawimawh bika duty te chetvelna a huam lo ang. He thupek hi a tul dan azirin Traffic Police ten an ti danglam thei ang.
