Pu C.Lalthanmawia, Superintendent of Police, Traffic, Aizawl City chuan Mizoram State Sorkar Notification No.B.12021/10/04-TRP Dt.22.8.2008 leh Section 115 of Motor Vehicles Act, 1988 in thuneihna a pek angin mipui vantlang leh lirthei hmangtute him nan leh hnathawktu ten tha taka hna an thawh theih nan a hnuaia tarlan hmun leh hunah te hian lirthei tlan dan tur thupek a chhuah.  

Vaivakawn atanga Ropaiabawk inkar (Zohnuai to Ropaiabawk) leh Vaivakawn hunthar peng atanga Company peng inkar kawngpui siamthat hna chu 3.11.2017 (Zirtawpni) atangin PWD, Aizawl Road North Division ten an thawh dawn avangin helai kawngpui ah hian hnathawh hun chhung zing dar 8:00 AM atanga tlai dar 5:00PM inkarah lirthei eng chi mah tlan phal a nilo. He thupek hian kawngpui siamthat hnathawh zawh anih hma chu a huam ang.

Thupek hian chhiatrupna thil kangmei leh emergency kaihnawiha duty leh Dan leh Thupek pawimawh bika duty te chetvelna a huam lo ang. He thupek hi a tul dan azirin Traffic Police ten an ti danglam thei ang.