3860/2022-2023
Lunglei the 16th March, 2023 – Lunglei District Municipal Election Officer & Deputy Commissioner Pi Ramdinliani chuan Lunglei Municipal Council Election atana Electoral Roll hman tur chungchangah a hnuaia Hriattirna dated 16/03/2023 a ti chhuak:
HRIATTIRNA
Kan hriat theuh angin Lunglei Municipal Council (LMC) Inthlanpui vawikhatna chu March 29, 2023 hian neih tur a ni a. He inthlan-ah hian Lunglei Municipal Council bik atana duan electoral roll hman tur niin, electoral roll hi October 14, 2022 khan tlangzarh tawh a ni. Electoral roll ah hian October 1, 2022-a kum 18 tling chin thun tur a nih angin chutianga buatsaih chu a ni a, ennawn a ni tawh lo a ni. Chuvangin October 1, 2022 hnu lama kum tling tharte chu LMC electoral roll ah hian an chuang lo a ni tih mipuite kan inhriattir e.
MLA leh MP inthlana hman tur bik electoral roll erawh chu kum tin ennawn(revise) thin niin, nikum ah pawh November leh December thla khan ennawn a ni a. January 1, 2023 a kum 18 tling tur chin te chu he electoral roll ah hian thun an ni thung a ni.
Lunglei municipal area-a cheng mipuite'n LMC electoral roll leh MLA/MP electoral roll kan lo thliar thiamna turin he hriattirna hi chhuah a ni a, LMC inthlanah hi chuan LMC roll-a chuang te chauhin vote an thlak thei dawn a ni tih kan inhriattir e.
