4036/2024-2025

Lunglei, 2025 Pawlkut thla ni 31: Lunglei Municipal Council (LMC) huam chhunga piang leh thi chhinchhiah (registration of birth & death) kalpui dan tur chungchangah LMC Chief Executive Officer Pu Donny Lalruatsanga chuan vawiin khan a hnuaia mi ang hian hriattirna a chhuah.

"Mizoram Sawrkar lehkha No. A.43018/12/2022-PLG of Dt. 14.01.2025-in a sawi angin Lunglei Municipal Council area chhunga Local Council 24 te bikah Birth & Death Registration (pek chhuah) mawhphurhna chu LMC Office kuta hlan a nih tak avangin Dt. 20.01.2025-a Consultative Meeting chuan February ni 1, 2025 aṭangin a taka kalpui theih ni se a tih angin kalpui tum a ni a. A hnuaia tar lante hi Sawrkarin LMC kuta mawhphurhna a pekte kan inhriattir a, mamawhtute chuan hun kan ruat hnu lam aṭang chuan LMC office-ah dilna theh luh tawh tur a ni ang:

"1. LMC chu Addl District Registrar anga function tur a nih avangin mawh la turin Secretary, LMC ruat a ni a, sawrkar Notification nghah mek a ni.

"2. RBD Units Local Council area 24 aṭang leh institutional unit 7 (Hospitals & PHC) aṭangin daily report leh monthly report te LMC-ah pek tawh tur a ni ang a. Hei hi CRBD/ACRBD hnenah LMC-in a theh luh zel tur a ni ang.

"3. Online Registration Local Unit (Local RBD)-te tih tur hi LMC kal tlanga tih tur a ni ang. Unit (institutional) erawh online an hman tawh avangin anni bik hi chu a ngai tawh lo tura ngaih a ni.

"4. Kum 2025 aṭangin Birth/Death/Still Birth Register te kum khat a nih hnuah LMC-ah Unit hrang hrangte'n an theh lut tur a ni ang. LMC-in mumal takin a vawng ṭha ang.

"5. LMC chuan re-issue ngai, nau piang/mitthi ni 30-365 inkar chhunga local unit-a la chhuak lote a pe chhuak ang a. Register mumal tak nen record a vawng ang.

"6. Delayed registration erawh chu DRO Office-in NAC a pe chhuak ang a. Local RBD-te'n an pe chhuak tur a ni ang.

"7. Nau piang/mitthi te hi DCSO Lunglei leh Election Officer, Lunglei hnenah report hi pek ṭhin tur a ni ang."