4037/2024-2025
Dated Hnahthial, the 31 January, 2025: Village Council Inthlanpui, 2025 lo awm tur avangin Hnahthial Deputy Comissioner, Pi Rita Lalnunmawii Pachuau chuan silai khapna thupek a chhuah.
ORDER
State Election Commission of Mizoram chuan Village Council inthlan hun atan ni 12.02.2025 (Wednesday) a ruat a, chuvangin Election Model Code of Conduct chuan Date 16.01.2025 atanga hman tan a ni. Tin State Election Commission of Mizoram chuan lehkha No.B.12011/1/2024-SEC/VC/19 Dt.16.01.2025 hmangin inthlan neihna tur District zawng zawngah silai ken chhuah khap a ngaih thu a tichhuak tawh bawk a.
Chuvangin, kei RITA LALNUNMAWII PACHUAU, District Magistrate, Hnahthial District, Hnahthial hian Bharatiya Nagarik Suraksha Sanhita (BNSS),2023 Section-163 in thuneihna min pek hmangin Hnahthial District, chhungah Silai eng chi pawh, silai mu bakah puak thei thil engpawh an keng/pai/hmang chhuak tur a ni lo tih thupek ka chhuah a. Hemi kawnga silai tun ngai an awm chuan Superintendent of Police in hma a la thei ang.
He thupek hian Magistrate, Police, Armed Forces leh BRTF mite a huam lo ang. He thupek bawhchhiate chu Section-223 of Bharatiya Nyaya Sanhita, (BNS) 2023 dan hmangin hrem theih a ni ang. He thupek hian tul bik thila tih danglam a nih loh chuan tihchhuah a nih atanga thla 1 chhung a huam ang.
