4035/2024-2025

Lunglei, 2025 Pawlkut thla ni 31: February ni 12, 2025-a Mizorama Local Council leh Village Council Inthlanpui buatsaih turah inthlanna ralmuang leh muanawm tak a awm theih nan, vawiin khan Lunglei District Magistrate Pi Navneet Mann chuan Section 163, Bharatiya Nagarik Suraksha Sanhita (BNSS), 2023 tlawh chhanin a hnuaia thupek hi Lunglei District mipuite zawm turin a chhuah.

1. Silai neitu/kawltute reng rengin inthlan zawh fel a nih hma chu silai leh silai mu eng chi mah an hmang/pai/keng chhuak tur a ni lo.

2. He thupek hian a hnuaia mite hi a huam lo vang:

(a) Military/Para military force leh BRTF mi leh sate.

(aw) Police officer-te leh sawrkar hnathawk duty-te.

(b) District Magistrate hnen aṭanga kawl phalna neitute.

He thupek hian chhuah a nih aṭanga thla khat chhung emaw, inthlan zawh fel a nih thleng a huam ang a. Thupek zawm lote chu Section 223, Bharatiya Nyaya Sanhita (BNS), 2023 hmangin hrem theih an ni ang.