4007/2022-2023

Lunglei the 28th March, 2023 - LMC Inthlan neih tur chungchangah Lunglei SP Pu Rahul Alwal chuan a hnuaia thuchah a ti chhuak a ni:

Lunglei Municipal Area chhunga mi zawng zawng te Lunglei Police aiawhin chibai ka buk a che u. Kei hi Rahul Alwal, IPS, SP Lunglei ka ni a. Kan hriat theuh angin kan hma lawk ni 29/03/2023(Nilaini) hian Lunglei Municipal Council inthlan hmasa ber neih tur a ni a, tin ni 3/04/2023(Thawhtanni) ah vote chhiar a ni dawn bawk a ni. LMC inthlan hi thianghlim, felfai leh boruak muanawm tak hnuaia neih a nih theih nan Lunglei Police chuan Lunglei Municipal area huam chhungah Dan leh Thupek kenkawh leh inthlan kaihhnawiha venhimna hrang hrang pe turin police-te duty dan tur mumal leh kimchang taka siam a ni a, Police pawh 158 zet duty tur a ruat an ni bawk a ni.

Inthlan neih hun chhung hian mi tin ten dan leh thupek ngai pawimawh tur leh khawtlang muanna tichhe thei leh inthlanna ti bahlah thei buaina eng chi mah siam lo turin kan in ngenin kan in hriattir a ni. Kan dikna chanvo a nih anga kan vote hlu tak thlak theuh turin mitin te ka sawm bawk a ni.