4006/2022-2023

Lunglei the 28th March' 2023: 20th March, 2023 - 3rd April, 2023 chhung awhtur Poshan Pakhwada 2023 Nutrition beihpui thlakna hun hman mek zelah nimin khan District Programme Office, Child Development Programme Office, District Agriculture Office leh World Vision India te buatsaihin Cultural Heritage Centre, Lunglei ah Millet(Buhtun) based Tribal Food Fair & Promotion of Millet Thali hun hman a ni. He hunah hian Self Help Group, Anganwadi Worker leh Adolescence Girls te an tel a ni.

He hun hi Pi Lalthlamuani, Child Development Programme Officer, Lunglei ICDS Project chuan a kaihruai a, thuhma sawiin Poshan Pakhwada 2023 hi Ministry of Women & Child Development chuan a tum nga nan 20th March,2023 atanga 3rd April, 2023(Forthnight) awhtur hman tura tih a ni a, hemi in a tum ber chu naupang leh hmeichhia te an lo hrisel zawk nan chaw tha ei inhrilhriatna atana hun hman a ni. Taksa hriselna leh chakna atana chaw tha pawimawh te inzirtirna bakah Anganwadi Centre hlutna te a sawi a ni.

Pi Baby Lalremkimi, Assistant District Agriculture Officer, Lunglei chuan 'Millet for Nutritional well-being' tih thupui hmangin zirtirna a pe a, Sawrkar laipuiin Millet (buhtun) thatzia leh tangkaizia hriain UNO ah rawtna a thlen angin kumin 2023 hi International Year of Millet a puan a ni, a ti a. Millet hi kan taksa tan a chaw tha tam tak, hriselna atan a pawimawh hrang hrang a awm thu a sawi a, natna chi hrang hrang do theihna a awm thu a sawi bawk. He programme hlawhtlin nan Awareness campaign, Fair, Mela te buatsaih a nih thu a sawi a, Mizoramah hlawk tak leh puitling taka chin theih a ni a, tlangram lo neih awlsam taka chin theih a nih thu sawiin ni 80-90 chhungin a seng theih a, Hectare khat ah tin 15-20 a thar theih thu a sawi bawk.

Pi Zorinmawii, Dietician & AWWs chuan Self Help Group, Anganwadi Worker leh Adolesence Girls te hnenah Millet atanga thil siam dan hrang hrang zirtirna leh tihchhinna an nei a ni.