State Election Commission thupek angin, Aizawl Municipal Corporation huam chhunga Local Council pathum (3) i.e. Chite Veng, Chhinga Veng leh Mission Veng Bye-Election atana inbuatsaihna tur Draft Electoral Roll chu vawiin ni 19.07.2016 hian tarchhuah a ni a, tehfung atan 01.01.2016 hman a ni. Draft Electoral Roll hi Chite Veng, Chhinga veng leh Mission Veng bialtu MERO/AMERO/LLO-te hnenah en theih a ni.

Draft Roll ah hian Elector mipa 3975 leh hmeichhia 4750 an awm a, an vaiin mi 8725 an awm a ni.

He Summary Revision of Local Council Electoral Rolls, 2016 hi felfai taka kalpui a nih theih nan Political Party leh NGO hrang hrangte electoral roll buaipuite te hi tawiawm tura beisei an ni.

Vawiin chhun dar 12:00 khan DC Office Chamber-ah District Level Standing Committee an thukhawm nghal a ni a.

He meeting-ah hian Electoral Roll Revision atana Official-te leh tlawmngai pawl leh Political Party aiawhte an tel tha hle.

District Level Standing Committee chuan Electoral Roll felfai tak neih a nih theih nan Political Party, Tlawmngai Pawl eh Election Official-te tha taka thawhho ni se an ti.