Vawiin chawhma dar 10:00am khan Administrative Training Institute (ATI) Khatla-ah Aizawl khawpui chhunga Local Council Memberte tan NLUP leh Sorkar Scheme hrang hrangte inhrilh hriatna training ni 2 awh tur chu tan a ni.

Hawnna inkhawmah hian NLUP Implementing Board (NIB) Vice Chairman, Pu PL Thanga chuan hawnna a nei a ni.

Pu P.L.Thanga chuan kalkhawmte zawhna chhangin, NLUP sem leh dawn chungchangah thil diklo awm reng reng chu, NLUP Implementing Board ah Local Council ten ziakin hriattir se, tul anga hmalakpui a tiam a, an bial chhunga NLUP hnathawktute vil chungchangah a tul leh mamawh anga NLUP Implementing Board chuan sum an pek tur thu a hrilh bawk.

Vawiin hawnna inkhawm hi Pu Lalnunmawia, Jt. Director (ATI) in a kaihruai a, Pi Lalnunmawii, Associate Professor, ATI pawhin thu sawiin, NLUP leh Sorkar Scheme hrang hrangte Dr. L.T. Thanga, Asst. Professor MZU, Pu Rosiama Vanchhawng, Addl. PCCF, Environment & Forest Department, Pu Zorammuana, Secretary, NLUP Implementing Board leh Wing Cdr. Pu Lal Nghinglova, Chairman, Marketing Cell, NIB ten zirtirna an nei bawk.