4174/2023-2024

Khawzawl, 14th March 2024: Lok Sabha Inthlanpui 2024 atan inpuahchahna chu Khawzawl District-ah pawh chak taka kalpui mek zel a ni a. Vawiin khan Khawzawl DC Meeting Hall-ah Inthlan kaihhnawiha tel tur hrang hrang te tan training buatsaih a ni.

Vawiinah hian chawhma lamah Political Party te pualin Model Cofe of Conduct chungchang leh IT Application hrang hrang hman dan inzirtirna neih a ni a. Chawhnu lamah candidate te sum sen vil dan tur - ‘ Election Expenditure Monitoring’ chungchang training neih a ni a. Hei bakah hian Deputy District Election Officer Pu Lafakzuala hovin Nodal Officer tura ruat ten an chanvo leh mawhphurhna theuh te sawi ho leh thlir hona hun an nei bawk.

Naktuk (15.03.2024) hian sawrkar hnathawkte tan Model Code of Conduct chungchang inzirtirna neih a ni dawn a.  Venhimna chungchang zir hona neih a ni bawk ang.