4175/2023-2024

Khawzawl, 14th March 2024: Vawiin khan Khawzawl District Narco Coordination Center (NCORD) hmalaknain NH-06, Aizawl to Champhai Road, Lungvar Junction-ah motor endik run pui neih a ni a. Motor tlan tlang ten dan phal loh - zu leh ruihhlo te an phur lo tih enfiah a ni.

Vawiina motor endik runpui hi Ruihhlo Do Beihpui ‘Special Drive Against Drugs’ bultanna a ni a. He hunah hian Khawzawl SP Pu Lalchhuanthanga hovin motor endikna neih a ni. Khawzawl Traffic Police te chuan he hun hi remchangah la in, motora chetsualna a lo tlem theih nan inzirtirna lehkha ( pamphlet) semchhuahna an lo nei ve bawk.