No.6771/2020-2021

Aizawl, the 4th December 2020: Vawiin chawhnu khan  Vice Chairman, Social & Rehabilitation Board pisa Chamber-ah, mi thiam hrang hrangin Hrawva hla an zir chianna bu, KHUANU LENG CHAWI HRAWVA tih chu, Pu C. Lalrosanga MP Lok Sabha chuan a tlangzarh.

Pu C.Lalrosanga, MP LS chuan Pu Hrawva chu Mizote tan thu leh hla a sulsu a nih thu leh thawh hlawk a tih thu a sawi a. Mi lehkha thiam BA hmasa a nih dan te leh a mah rethei taka a lo seileina leh chumi avanga midangte khawngaihna leh hmangaihna, retheite chhawmdawm duhna a neih ziate, chutiang zawng zawng han ngaihtuah chuan Hrawva nun chu a hausa hle nia a hriat thu a sawi a. A nun zirtu leh a thu leh hla zirtute chu nun hausa tak neithei dinhmanah a hlangkai thei dawn hial in a hriat a ni a ti a. Chuvangin Pu Hrawva thu leh hlate hi chawi nun leh lar zel ni sela, mi ten a kutchhuak hi zir tam zel se la, chawi nung zel ila tih hi ka duh dan leh beiseina a ni. Khuanu leng chawi Hrawva tih lehkhabu tlangzarhnaah hian Pu C.Lalrosanga, MP LS chuan tunlai hri leng Covid 19 chungchang pawh sawiin vawiin tho khan Prime Minister ho a, MP rual ten online meeting an neihnaah Covid 19 vaccine chungchang an sawiho tih a sawi a.  Mizoram pawhin Vaccine kan neih theih thuai a beisei thu a sawiin sawrkai laipuiin chak takin hma a la mek a ni a ti. 

He tlangzarh hun hi Pu H. Zonunsanga HOD, Mizo Department, GANC-in a kaihruai a, Prof. Haukhanlian Mate, Principal GANC- in thu tawi sawiin,  he lehkhabu chungchang hi Pu F. Lalzuithanga, Editor in a sawifiah bawk a. Khuallian Pu C. Lalrosanga’n a tlangzarh zawhah hian, Hrawva chhungte aiawhin, Hrawva fapa Pu K. Liantlinga’n thu a sawi a, paper ziaktu lo kalte atangin thu sawi ngaihthlak a ni leh a. Pu K. Vanlalawia’n, Asso. Prof GANC-in lawmthu sawiin hun a khar a ni.