No.6772/2020-2021

Serchhip, the 4th December, 2020: Vawiin hian Pu Jonathan Lalremruata, Consultant, Kiwanis, Taiwan chuan District Bawrhsap Pu Kumar Abhishek hnenah covid-19 hrileng laka invenna atan a tulna apianga hman turin mask (hmai tuamna) a hlan.

Pu Jonathan Lalremruata hian a thawhna Kiwanis, Taiwan chuan India ram hmun hrang hranga a mamawhtute hman turin mask nuai 5 a sem chhuak tawh a. Chung zinga 500 chu vawiin hian Serchhip District a hman turin Bawrhsap kutah a hlan a ni. 

Bawrhsap chuan ni tina kan mamawh tak mai dawngtu zinga Serchhip District a tel chu lawmawm a tih thu a sawi a, an thilpek dawnte chu tangkai tak hman a nih tur thu a sawi a, Pu Jonathan-a chungah lawmthu a sawi a ni. Vawiina Kiwanis-in Serchhip District tana mask a hlannaah hian Bawrhsap hi Pu Lalmuansanga Ralte, Addl. DC-in a tawiawm a ni.