829/2026-2027

Aizawl, 4th June 2026 : Vawiin khan Aizawl District Development Coordination & Monitoring Committee (DISHA) meeting chu Mizoram Lok Sabha MP Pu Richard Vanlalhmangaiha, DISHA Chairman hovin Planning & Programme Implementation Department Conference Hall-ah neih a ni a, he hun hi Aizawl Bawrhsap Er. Lalhriatpuia, IAS, DISHA Member Secretary ni bawk chuan a kaihruai.

Vawiin thutkhawmah hian Lok Sabha MP Pu Richard Vanlalhmangaiha chuan thu sawiin, mipuite hmasawn nana Sawrkar laipui scheme pawimawh tak tak duante kalpui a nih dan leh an hnathawte inhriatpui tawn nan DISHA meeting hi neih thin a ni, a ti a. District hmasawnna tur ngaihtuah turin he meeting-a kalkhawmte hian mawhphurhna lian tan an nei tih sawiin, district tan thahnemngai taka thawk zel turin a chah a. Department hrang hrang hotute inhmuhkhawm a har thin avangin vawiin meeting hi hmang tangkaia an hnathawhte inhriatpuia, thawhho theihna laite pawh ngaihtuaha sawiho turin a fuih bawk a. Department hrang hrang hmalak tawhna leh hmachhawp te chu tha a tih thu sawiin, district tana an inpekna avangin lawmthu a sawi bawk.

Meeting- ah hian Pu Lalchhuanthanga, MLA, Aizawl South-II bialtu, Pi Baryl Vanneisanga, MLA, Aizawl South-III bialtu leh Line Department Head of Office te an tel a ni.