44/2022-2023
Aizawl, the 5th April 2022: May ni 10, 2022 hian Mizoram Legislative Assembly chuan an kum 50 tlin (Golden Jubilee) lawmna programme an buatsaih dawn a. He programme pawimawh hmang tur hian Lok Sabha Speaker Pu Om Birla leh a team te chu Mizoramah an lo zin dawn a. Amah leh a thuihruaite lo hmuah dan tur leh a cham chhunga enkawl zui dan tur ngaihtuahin vawiin khan Assembly Speaker Pu Lalrinliana Sailo hovin a office-ah mi pawimawhte an thukhawm.

Pu Om Birla leh a thuihruaite hi May ni 9-ah Mizoram lo thlengin zan khat an riak anga. May ni 10 ah Mizoram Legislative Assembly Golden Jubilee lawmna inkhawmah a tel ang a. Hemi ni vek hian Mizoram a chhuahsan leh nghal dawn a ni. Vawiin meeting-ah hian Pu Om Birla hmuah dan tur te, a thlenna tur leh amah lo lawm dan tur te, Mizorama a cham chhunga a chetvel dan tur ruahmanna sawiho a ni a. Mawhphurhna leh tihtur hrang hrang siam rem leh semzai a ni.

Vawiin meeting ah hian Mizoram Legilative Assembly Deputy Speaker Er.Lalrinawma, Chief Secretary Dr Renu Sharma, Home Secretary Pu H.Lalengmawia, Assembly Secretariat hotute leh sawrkar mi pawimawh dangte an tel a ni.