4763/2025-2026
Aizawl the 10th March, 2026: LPG Manual, 2021, Section 5.3 in a phut angin Oil Marketing Company (OMC) leh Indian Oil Corporation Limited (IOCL) te inkaihhruaina angin LPG consumer te him tlan zawk nan a khat tawkin endikna neih thin a ni a.
Hetiang endikna neih hian a tum ber chu mipuite himna a ni a, kan LPG dahna hmun leh hman dan te a him tawk em tih te endik a ni thin. Tin, LPG kaihhnawih avanga vanduaina a lo thlen palh changin hetianga endikna paltlang te chauh hian zangnadawmna an dawng thei a ni.
OMC te dan siam angin endikna atana service charge chu Rs.200/- bakah 18% GST niin, a belhkhawmin Rs.236/- a ni. Hei hi OMC leh IOCL te chan tur a ni a, State sawrkarin chan tur a nei lo.
He endikna hi April, 2026 chhungin chhunzawm leh tum a ni a, LPG hmangtu zawng zawngte kan him tlan nan a endiktute hi tha taka lo thawhpui tura ngen kan ni.
