Tunlaia LPG Gas harsatna chungchang leh a sutkian theih dan sawiho turin FCS&CA Minister Pu John Rotluangliana chuan vawiin khan a pisa-ah Aizawla LPG Distributor-te a sawm khawm. He hunah hian Parliamentary Secretary Pu T.T. Zothansanga, FCS&CA Director Pu R. Lalvena leh FCS&CA Officer-te an tel bawk a ni.

Meeting-ah hian LPG Distributor-ten Gas lakluh lama harsatna an tawh hrang hrangte an sawi a. Aizawl khawpui chhunga LPG Distributor-te hian Mualkhang Bottling Plant leh Silchar atangin supply an hmu thin a, Aizawl pawn a Distributor-ten Mualkhang atang chauhvin an lalut ve thung a. Tun hnaiah Silchar atangin supply an hmu manglo a, hemi vang hian Aizawl pumpuiah Gas hi a van phah hle a ni.

Minister chuan mahni theihna kawng theuhvah LPG a harsatna hi sutkian tuma thawk theuh turin Distributor-te leh FCS&CA Officer-te chu a sawm a. Supply lama LPG black a hralh thin a awm chu pawi a tih thu leh, na taka an do tur thu sawiin, dealer-te pawh hemi laka fihlim turin a chah bawk.

Black a gas hralh chungchangah Mualkhang atanga gas phurh lo chang a, kawng lak a lo la ru thin an awm, ti a Distributor-ten an sawi chu enfiah a, tul anga hmalak turin vawiin meeting-ah hian rel a ni a. Distributor-te quota chungchang leh Silchar-a harsatna an tawh te pawh Department-in lo enzui sak tur a rel a ni bawk.