1518/2022-2023
Aizawl, the 9th August 2022: A hnuaia tarlan ang hian FCS&CA Department chuan LPG Subsidy chungchang leh subsidy rate a gas bur thunkhah theih zat consumer te lo hriat atan a tarlang.

Tunlai hian Mizoram hmun hrang hrangah LPG subsidy lut lo avanga harsatna tawk tam tak an awm ni a FCS&CA Department-in a hriat avangin mipuite thil awmzia leh nihphung kan in hriattir e.

LPG subsidy chungchang hi IOCL emaw LPG Distributor-te emaw thuneihna ni lovin India ram puma LPG subsidy buaipuitute hi National Payment Corporation of India (NPCI) niin Ministry of Petroleum & Natural Gas hnuaia he hna thawk tura Central Sawrkarin a thlan an ni a, tunah hian heng harsatna Mizoram mipui tam takin kan tawh mek hi FCS&CA department chuan ziakin a thlen tawh a ni.

Hetih mek lai hian mipuite pawhin subsidy tha taka kan hmuh theihnan kan phone No., LPG connection leh kan Aadhaar No., kan bank account te nen a in link tha tur a ni a, hetiang a nih loh chuan subsidy hi a lut theilo a ni. Gas connection kan neihna distributor-ah KYC hmangin heng kan document te hi kan update thin tur a ni. Tin, kan Bank Account hi a che reng (active) tur a ni a, hei hi Bank lamah enfiah fo a tha bawk. Subsidy hi mi pakhatin kumkhat chhungin cylinder 12 (sawmpahnih) atan chauh kan dawng thei a ni.

Heng harsatna sukiang tur hian FCS&CA Department chuan theih tawp a chhuah zel dawn a ni.