Sorkar-in mimal hnena chenna in hmun atana ram a pek tawh, Sorkarin ram a pek kum ( allotment year of House site) atanga chhiara kum 10 a tlin loh chuan hming thlak, transfer.Hralh chhawn etc a theih loh thin a. Amaherawhchu, Mizoram land Revenue Act, 2013 chu siam danglam a lo ni ta a, section 36 (4) of Mizoram Land Revenue Act, 2013 (read with Mizoram Land Revenue Amendment Act, 2019) in a sawi angin, sorkar in ram a pek kum (Allotment year of House site) atanga teha kum 5 (5 years) hnuah chuan ram neitute hming inthlak (lei leh hralh, inhlanchhawn) a tih theih tawh a, hei bakah hian ram inhlan chhawn, neitu hmingthlak chungchanga khuahkhirhna hian a hnuaia hmingthlak ngai ang chite hi a huam lo ang:-
a) Chhungkaw khata cheng ho-ei leh in inbawl hranglo.( Pi leh Pu, Nupui/Pasal, tu leh fa, dan anga fa lakte huamin)
b) Inrochun emaw Court order hmanga hmingthlakna tur a nih in.
c) Loan iakna tura LSC hming thlak a ngaihin.
d) Land Acquisition Act hnuaia ram lak emaw Sorkar rorelna anga ram lak a ngaihin.
e) Sakhua/Kohhran pawl (Religious Institution) emaw hlawkna nei lova vantlang tana pawl din (Non-Profit Civil Society Institution) hnenah vantlang hamthatna turthila ram hian a ngaihin.
