25/2023-2024

Aizawl, the 4th April 2023: Lt. Gen. Rajeev Chaudhry, VSM, Director General of Border Roads Organisation(BRO) chuan nimin tlai khan Raj Bhavan-ah Governor Hari Babu Kambhampati a hmu a. Mizorama Project Pushpak ten ramri hrula kawngpui siam hna an thawh chungchang leh thil pawimawh dang te a sawipui.

Governor Hari Babu Kambhampati chuan Border Roads Organisation hotuluber, DGBR leh a hnuaia Project Pushpak, Mizoram a hnathawk te chungah lawmthu a sawi a. Mizoram chuan BRO te kawnglaih leh enkawl an chhawr tangkai a, an hmalaknate an thlawp chhunzawm tih DGBR hi a hrilh a ni. Governor chuan Project Pushpak hnuaiah hnathawh mek te chu , a chhawrtu tur mipui ten an mamawhna a san taw hem avangin a hun taka thawh zawh a nih theih nan Project Pushpak hotute chu theihtawp chhuah turin a chah bawk a ni.

Lt. Gen. Rajeev Chaudhry, VSM, Director General, BRO chuan April 02, 2023 khan Champhai – Hnahlan – Khuangphah Road Project Pushpak in a thawh mek chu a endik tih Governor hnenah hian a sawi a. He hunah hian Champhai District Bawrhsap bakah Ngur khuaa khawtlang mipuite nen inkawmna hun tha tak an neih chungchang te Governor hnenah hian a thlen a. Mizoram chhunga Project Pushpak hnathawh mek a an hmasawnna leh thlenchin te a sawi bakah Mizorama project thar an la khawih leh tur chungchangte pawh a sawipui bawk.

DGBR hian nimin tho khan Chief Minister Pu Zoramthanga a hmu a, Chief Secretary Dr Renu Sharma nen pawh an inkawm bawk.