Vawiin Chawhnu Dar 3 khan D.C Conference Hall, Mamitah  Mamit District chhunga Luidung humhalh tha YMA Branch Panga te chawimawina hun hman a ni a, Pu Vanlalangihsaka District Bawrhsap chuan khuallian niin chawimawina  hlanna hun a nei.

Vawiin chawimawina hlanna hun inkhawm hi Pu Pu F. Vanlallawma District Fisheries Development Officer chuan a kaihruaia, Pu Vanlalngaihsak chuan ti chereu tu nilova humhalhna chang hria YMA Branch Panga te chawimawina chang hria a hma lak sak tu Fisheries Department te hmalakna chu lawmawm a tih thu a sawi a, Kan ram ngaw leh Luidunga Luisa chi hrang hrangte humhalh hi kan ram kan hmangaih zia kan lantirna a ni a, YMA tena hma an lakna chhuanawm tiin chhunzawm zel turin a chah a ni.

Chawimawina dawngtu khua te hi Parvatui, Lallen, Dapchhuah, Phaizauleh Mamit Chhimveng te an ni a, Chawimawina hian thuziak bakah pawisa fai Rs 40000/- a keng tel a ni. Vawiin inkhawmah hian YMA Branch hrang hrang ten luidung humhalh kawnga hma an lak dan an sawi bawk.