India Prime Minister Nadrendra Modhi Programme Swath Bharat Mission (SBM) (Gramin) Committee Mamit District chu a vawikhat na atan vawiin khan D.C Conference Hall, Mamit-ah an Chairman Pu Vanlalngaihsaka District Bawrhsap ni bawk hovin Faina kawnga beihpui thlak dan tur hrang hrang ngaihtuahin an thukhawm.

Vawiin thutkhawmah hian Faina kawnga hma lo lak tawhna te leh   hmasawnna tur leh hmachhawp hrang hrang te ngaihtuah ho a ni a, District chhung khaw tinah inthiarna mumal tak in tin tena an neih vek na tura hmalak ni se, Hemi kawnga Survey awm tawh sa chu en nawn that leh a inthiarna mumal tak chhungtin ten kan neih theihna tura ruahmanna siam a ni se.  Faina kawnga mitinten tan kan lak leh zual theihna tura atana inzirtirna zau taka kalpui ni se tih te rel a nih bakah   PHE Department mai bakah a kaihhnawih Department RD, H&FW,  Social Welfare, School Education ten an huam chhung theuhah hma lo la se tih te rel a ni a. Swath Bharat Mission Mamit District Committee ah Tlawmngai Pawl hruaitu Sub Hqrs YMA leh Sub Hqrs MHIP te tel ni se rel a ni., Tin Swatch Bharat Mission Committee Mamit District chuan faina kawnga hmalakna a tan khawchhung a lo faia kawngpui dung te a lo thianghlim zawk theihnan  bawlhlawh tawih ral thei lo chi Plastic, Polythene etc te lei khawm ni se committee chuan a ti bawk.

Vawiin thutkhawmah hian Mamit District chhunga a kaihhnawih Department hrang hrangte bakah Aizawl lam atangin Er. C. Lallunghnema, SE (PHED) RWC leh EE, PHED Aizawl (Rural) te an tel a ni.