Vawiin khanLungleiDC's Conference Hall-ah District Swacch BharatMission(Gramin) 1st Quarterly meeting neih a ni a.  DSBM(G) Executive Vice-Chairman Er.H.Duhkima, SE, PHED-in meeting a kaihruai a, Member-Secretary Er.J.Kapkima, EE, PHED WATSAN Divn chuan SBM(G) in a thiltum te leh Lunglei District-ah hmalakna tur an thlithlai tawh chin a tarlang a ni.

He meeting-ah tarlan a nih angin Lunglei District huamchhungah PHED enkawl lai khua 164 a awm a, SBM(G) hnuaiah heng khuaah te hian ek in (latrine) nei lo chhungkua zawng zawngte chu sorkar tumsakin ek in sak sak vek a ni dawn a ni. Kum 2015-2016 chhungah Individual Household Latrine(IHHL) for BPL 1614 leh IHHL for APL 1658 sak tum a ni a, heng bakah Solid & Liquid Waste Management Unit 9 leh Community Sanitary Complex 2 sak tum a ni bawk ang.

Swacch Bharat Mission hi kum 1986 atangin ‘Central Rural Sanitation Programme’ tiin bultan a ni a, a hnuah kum 1999 khan ‘Total Sanitation Campaign’ tiin a hming hi thlak a ni leh a, nikum 2nd October 2014 atang khan tuna a hming ‘Swacch Bharat Mission’ tia thlak a ni. SBM hi thlur hniha kalpui a ni a, khawpui chinah UD&PA Department enkawlna hnuaiah dah a nih laiin, thingtlang lam chu PHE Department kutah dah a ni thung. SBM-in a tum ber chuIndiamipui leh khuate fai leh hriselna kawngah kaihhruai a, khawpui vawn fai leh ek in sak sak piahlamah mipuite thinlungah faina pawimawhna tuh nghet a ni.