3818/2022-2023

Lunglei the 13th March, 2023 – Lunglei Police thawktute tana ni 3 awh training ‘3 Days In-Service Training on Police Public Relationship’ chu vawiin khan Lunglei SP Conference Hall-ah neih tan a ni.

Training program hawngtu Lunglei SP Pu Rahul Alwal, IPS chuan Police ten an hnathawhna tha taka kalpui turin mipui leh police inkarah inhriatthiam tawnna, in rin tawnna leh thawhhona tha a awm a ngai a ni tiin training tura kalkhawm police-te chu anmahni zawn theuhah Police Public Relation ti hmasawn tura theihtawp chhuah thin turin a chah a. Dan leh thupek an kenkawh thin te bel taka hrechiang tur leh Public, media, NGO leh sawrkar Department dang nena an thawhhona ah zaidam leh dawhthei taka hma la thin turin a chah a ni.

He training hi March ni 15 thleng neih tur niin training-ah hian Media leh NGO te nena thawhhona, Public Order chungchang, Medico Legal cases kalpui dan, ND&PS Act, POCSO Act, Domestic Violence Act, Cyber crime awareness Department dang nen thawhhona chungchang te an zir dawn a ni.