3817/2022-2023

Aizawl The 13th march 2023: Vawiin khan Chief Secretary Conference Hall, MINECO-ah MyGOV Mizoram chungchang ngaihtuahin Chief Secretary leh sawrkar Department hrang hrang hotuten thutkhawmna an nei a ni.

Chief Secretary chuan thusawiin, MyGOV platform chu tha taka kalpui anih theihna turin deparment hrang hrangte thawhpuina tha a ngen a. MyGOV platform in a tum ber chu mipui hnena sawrkar hnuhhnaih hi a ni a, sawrkarin thutlukna a siam turah mipuite tel ve a, mipuiten sawrkar an khalhngil theihna tur pawimawh tak anih thu a sawiin sawrkar inrelbawlnaah mipuiten chanvo pawimawh tak an neih theihna tur anih thu a tarlang bawk. Chief Secretary chuan sawrkar deparment hrang hrangte hmalaknaah mipui nghawng thei thil ah mipuite ngaihdan leh duhdan lak a ni ang a, chu chuan sawrkar thutlukna tha, ram leh hnam hmasawnna dik a thleng ang a, mipui sawrkar dik tak a thlen thei dawn a ni, a ti.

MyGOV platform hi central sawrkar chuan ni 26 July, 2014 khan lo hmang tan tawh in,tun dinhmunah State 21 ten an hmang tawh a, Mizoram ah pawh hman mek a ni. MyGOV platform hi National Informatics Centre(NIC) te siam niin, Department of Information & Communication Technology(ICT) chu State Nodal Agency an ni.

Vawiin thutkhawm hi MyGOV inhmelhriattirna atan hman a ni a, MyGOV Mizoram hnuaiah hian Department hrang hrang ten Nodal Officer an lo ruat ang a,Nodal Officer te hi Deparment of Information & Communication Technology (ICT) ten training an pe leh dawn a ni.