4035/2022-2023

Dated Serchhip, the 30th March, 2023: Ni 29 - 30.3.2023 chhung hian Lungkawlh kum 150 lawmna leh haw runpui chu Lungkawlhah buatsaih a ni a.

A ni hnihna vawiin 30.3.2023 hian Pu Lalmuansanga Ralte, MCS, Additional DC Serchhip chu khuallian a ni.

Khuallian chuan, Lungkawlhin kum 150 lai a tling chu a lawmawm a tih thu sawiin, khawtlang ngelnghet leh inlungrual an nihzia chu he kum rei tak hian a tilangfiah hle a ni, a ti. Lungkawlh khawtlang hma lam zel turah duhsakna hlanin an pi leh pu, an nu leh paten thukhat vuain inrem takin khawtlang an lokalpui tawh zar an zo mek tih inhriaa, an thlahtute kawng lo zawh tawh inlungrualna tha nei zui zel turin a chah a ni. Pu Lalmuansanga Ralte hian thalaite tan Social media hman thiam a pawimawh thu te, sex education chungchang te, zu leh ruihhlo chungchang bakah zirna lama tanlak a tulzia te pawh a tarlang bawk.

He hunah hian Er. Lalthanzuali, SE, PHE chuan bawlhhlawh paih dan fimkhur a tulna leh faina leh tui humhalh leh vawn thianghlim kawnga tanlak a tul dan sawina hun a hmang bawk.