2379/2025-2026

Lunglei, 2025 Sahmulphah thla ni 25: Mizoram Ṭhalai Kristian Pawl (MṬKP) buatsaihin November ni 28-30, 2025 chhungin BCM Biak In, Sethlunah "Thlarau Bo Man Beihpui" buatsaih a ni dawn a. 3-Gate aṭanga Sethlun panna kawng chung lam (via Helipad) chu kawng a zim avangin leh programme hmanna tur BCM Sethlun awmna a nih avangin he hun chhimtute leh mipui vantlang leh lirtheia veivakte an him zawk nan The Motor Vehicles Act, 1988 Section 115/117 leh Government of Mizoram Notification No.B.12012/10/2004-TRP Dt.1.6.2020 tlawh chhanin vawiin khan Lunglei District Superintendent of Police chuan a hnuaia mi ang hian lirthei tlan dan tur siamin, hriattirna a chhuah.

1. Lunglei lam aṭanga Theiriat lam kawnga kal tur (via Helipad) lirtheite chu tuna lirthei tlan dan pangngai ang hian tlan tur a ni.

2. Theiriat lam aṭanga Lunglei lam kal tur lirtheite chu Helipad kawng lamah tlan lovin, NH-54A kawngpui pangngaiah tlan vek tur a ni ang.

He thupek hi dt. 28.11.2025 dar 5:30 PM aṭanga 30.11.2025 chhung hman tur a ni ang. Dan leh thupek keng kawhtu Magistrate/Police/Fire Service leh a bika Superintendent of Police, Lungleiin phalna a pekte chu a huam lo vang.