2380/2025-2026

Khawzawl, dated 25th November 2025: Education Minister Dr. Vanlalthlana chuan vawiin khan Govt. Khawzawl High School-ah zirlaite "Meet Your Minister" programme a hmanpui.

"Meet Your Minister" programme-ah hian Minister Dr. Vanlalthlana chuan zirlaite fuihin naupan lai hian mahni kalkawng tha tak a sial theih a, tum phawt chuan engpawh a theih a ni tih a sawi. Nih tum te an neih chuan an nih theih dan tur leh an nih hun tur mitthlaa a taka thlen tir turin theihtawp chhuah turin a fuih a, harsatna an tawk a nih pawn beidawng lova um zel turin a chah a ni.

Minister chuan thu a sawi zawh hian zirlaite nen inkawmna hun a hmang nghal a, an zawhna te chhangin fuihna thu a sawi chhunzawm a ni. Minister hian rilru hriselna (mental health) lam lehkhabu chi 2 leh career guidance lam lehkhabu chi 2 naupang hnenah a sem bawk a ni.