Vawiin chawhma khan Lead Bank Office, Lunglei bul tumin DCC/DLRC meeting chu an Chairman Pu Rothuama, Addl. DC, Lunglei kaihhruaina in DC Conference Hall, Lunglei ah Bank hrang hrang leh Line Department te an thukhawm.

Pu Rothuama chuan Bank hrang hrang Manager ten Agriculture and Allied Activities ah Lunglei District hmasawnna ngaihtuah chunga hnathawk turin a duh a. Loneitute intundin theihna leh tharchhuah a tam theih nan loan pek tam nise, loan pek theih zat leh a kalphung inhrilhhriat nise a ti. Pu James L.Pachuau, Chief Manager, Lead Bank Office in thingtlanga loneitute engtin nge hma an sawn theih ang, engtin nge thlai an thar tam theih ang, engtin nge an intodelh theih ang tih hi sorkar a line department te nen thawh hona tha nei a, hmalak nise tih a sawi a. Bank in eng loan nge a pek theih tih hriattir a ni ang a. Line department in loneitu hlawhtling tur leh ti tak tak ten an mamawh anih chuan department kaltlangin loan lak nan project leh scheme citeria a zir in siam sak se, enchian hnu ah pek tlak anih chuan pek a ni ang a ti.

Vawiin meeting ah hian State Bank of India, IDBI, HDFC, Axis Bank, Canara Bank, Apex Bank, Syndicate Bank leh Mizoram Rural Bank leh Line department atangin Agriculture, Horticulture, Fishery, AH & Vety, Soil Conservation leh Rural Developement te an tel a ni.