Vawiin chawhnu khan NSS, Higher and Technical Institute Mizoram (HATIM) leh District Tobacco Control Cell, Lunglei District te buatsaihin HATIM Auditorium,Lunglei ah 6th Mizoram Anti Tobacco Day 2019 hman ani. Pi K. Lalrinzuali, Deputy Comissioner, Lunglei chuan khuallian niin a hmanpui. Kumin thupui chu Tobacco & Lung Health(Vaihhlo leh Chuap Hriselna) tih hman ani.

Inkhawm hi Dr.SR. Ngurchamliana, Medical Superindendent leh District Nodal Officer, District Tobacco Control Programme, Lunglei District chuan kaihruaiin Pi K. Lalrinzuali chuan vaihlo hian mihring taksa ah natna tamtak chuap thalo, thawhah, cancer leh natna hrang hrang a thlen bakah mihring kan chepin kan zalen lo ani. HATIM zirlai te chu vaihlo laka fihlim College in ni a, midangte zirtir chhawng atana rintlak in nih avangin puipunna leh naupang bula vaihlo ti te chu a thatlohzia leh vaihlo ti lo tana meikhu hip a pawizia  bakah hriselna atan a thatlozia hrilh hre turin a chah ani. Chankan hma piang te chu an ka chhung bal leh ha te a dum a, tunlai mi te chu invawnthianghlim in  lanmawi leh changkan duh avangin ka chhung leh ha te a fai a, Mizoram State pawn ah ka chhung bal leh ha dum chunga an hmuh chuan an hmusit amg che ati. HATIM zirlai te chu fai tak leh thil tha lo laka fihlim turin a duh a, addict thei chi ti lo turin a chah bawk ani.

Dr. Thani Pachuau, CMO, Lunglei pawhin thusawiin vaihlo in a kan taksa a pawi a khawih theihzia, natna tam tak, keima tana phurrit anih zia kan hriat angai a, vaihlo ah hian tur chi khat Nicotine hian thluak a khawih a, hriatna thazam bakah lung  a ti chhe bawk thin ani. Ram changkang ah chuan vaihlo hi an hmang tlem a, ramchang lo apiangin an hmang tam ani ati. Chuvangin Mizoramin hma asawn theihnan vaihlo hmang lo turin zirlai te a chah bawk ani.

Dr. Lalnunsiama Renthlei, District Consultant, DTCC, Lunglei in report pein kum 2018, July-2019 August chhungin vaihlo sim tum mi 5614 inentir an awm a, kum 2018-19 chhungin Anti Tobacco Squard Drive vawi 67 neiin mi 39 man an ni, School 70 ah awareness campaign neih ani, vaihlo sim 19.94% niin kum 2019-2020 ah Anti Tobacco Squard Drive vawi 30 neiin mi 14 man ani a, School 66 ah awareness campaign neih ani, vaihlo sim rate chu 22.25% an ni.

Pu Vanlalruata, Social Worker,DTCC in vaihlo leh lung hriselna tih thupui hmang in zirtirna a pe bawk. He hun ah hian Pi K.Lalrinzuali hovin dan phal lohva cigarette man khawm te tihchhiatna hun a hman a ni.